Sunday, January 8, 2017 - 11:50

24-nik ukiulik ujaarineqartoq

Assi.: Leiff Josefsen
Angut inuusuttoq umiatsiaaqqamik tallimanngormat Sarfannguanit SIsimiunukartoq ujaarineqarpoq

Angut inuusuttoq 24-nik ukiulik maqaasineqartoq nalunaarutigineqarpoq, ujarlernerugaluarlu iluatsinnani.

Politiit tusagassiuutinut nalunaarummi taama allapput.

- Tallimanngorneq januaarip arfernani nalunaaqutaq 0256 Qeqqani Politiit Sisimiuni allaffeqartut umiatsiaaraq, Alaska 50 HK Suzuki angummik inuusuttumik 24-nik ukiulimmik ilaaffigineqartoq Sarfannguanit Sisimiuliartoq nalunaarutigineqarpoq. Kangisimmik sakkortujuaartumik anorlertoq nalunaarutiginninnermi politiit tusagassiuutinut nalunaarutaani allassimavoq.

Atuaruk: Angut inuusuttoq apummik sisoorfigitilluni toquvoq

Politiit, kilisaatit, umiatsiaaqqallu kajumissutsiminnik ikiuuttut ikioqatigalugit tallimanngormat ujaarleraluarput. Qulimiguulik S61 januaarip arfineq-aappaani aamma ujarleqataasimagaluarpoq iluatsinngitsumilli.

Ujaasineq taamaatinneqarpoq

- Armerloq, Kangerluarsuup ungalliup avannaa-tungaa, Saqqap Siorarlii kujataa imartarlu annertooq ujaasiffigineqarput, politiit paasissutissiipput.

Ujarlerneq arfininngorneq januaarip arfineq-aappaanni sila taarsimmat unitsikkallarneqartoq aamma oqaatigaat.

Seneste nyheder / Nutaarsiassat kingulliit