239 millionit koruunit pillugit atsiorneq

EU aamma Bruxellesimi Kalaallit Nunaata Sinniisoqarfia atorfilitsigoortumik Nunarput pillugu isumaqatigiissummik 239 millionit koruuninik nalililik atsioqatigiissutigaat.

Isumaqatigiissut pingasunngornermi atsiorneqarpoq, taassumalu 2018-imi aningaasat ”Suleqatigiinnissamik isumaqatigiissut”-mik taaneqartartup ataaniittut nuunneqarnissaat qulakkeerpai.

EU-mit aningaasaliissutit Nunatsinni ilinniartitaanermut tapiissutissaapput.

Imminut nappassinnaasumik pisussaaffik

- Maanna suleqatigiinnissamik suliniutip Den Europæiske Unionip pisussaaffianik ersarissaavoq, tassani Kalaallit Nunaanni imminut nappassinnaasumik ineriartortitsinissaq, pingaartumik Kalaallit Nunaanni ilinniartitaanerup inuussutissarsiornermilu ilinniarnissat nukittorsarneqarnissaat eqqarsaatigalugu. Suleqatigiinneruttaaq ersersippaa Naalakkersuisut ilinniartitaanerup qaffassarnissaanut atuarlertussaanermit qaffasissumik ilinnialernissamut siuarsaaniarlutik suliniutaataat, Naalakkersuisut tusagassiuutinut nalunaarummi allapput.

Piffissami 2014-mit 2020-mut EU 1,6 milliardit koruunit missaanniittunik tapiissuteqassaaq.

Amerlanerit ilinniagaqalissapput

Tamanna ilaatigut ukuninnga qulakkeerinnippoq:

  • Ilinniartitsisut atuarfiillu aqutsisuisa piginnaanngorsaqqinnissaat
  • Inuusuttut ilinniarnerminnit naammassinnittut amerlinerinut
  • Inuusuttut amerlanerit qaffasinnerusumik ilinniakkamik aallartitsinissaa

Ilinniarsimassutsip qaffasissusaa ataatsimut isigalugu 2007-mili qaffakkiartorsimasoq, Naalakkersuisut ilisimatitsipput.

Powered by Labrador CMS