2018-imut aningaasanut inatsit sinneqartoorfiusussaangaluaq amigartoorfinngortoq

Aningaasaqarnermut akileraartarnermullu naalakkersuisoq, Aqqaluaq B. Egede, appassaaneerneqarnissaanut allannguutissatut siunnersuutit Inatsisartunut nassiuteqqammeerpai, tassanilu erserpoq isertitassatut naatsorsuutigineqartut arlallit ikiliartortut saniatigullu politikerit suliniutaanni nutaanni nunatsinni imminut pilersornermut missingersuutit amigartoorfiutileraat.

Partiinut tapiissutit 10 million koruunit pallillugit amigartoortitsisut

Aningaasanut inatsit taamatut allanngortinneqarnerata kingunerissavaa ukiuni sisamani 27,8 million koruuninik amigartooruteqalerneq.

Aningaasanut inatsimmi suli amerlanerusumik amigartoorfiusussaagunarpoq. Inatsissatummi siunnersuut akuerineqassangaluarpat Inatsisartuni ilaasortat amerlanerussuteqartut partiinut tapiissutit 30 procentimik qaffaaniarnerat ukiumut 2 million koruuninik nunap karsianut anigaasartuutigineqartalertussaq, Naalakkersuisoqarfiup ilanngullugu naatsorsuutigisimanngilaa.

Naalakkersuisoqariup raajanut qaleralinnulli isertitarineqartussat 10 aamma 5 million koruuninik ikilisartariaqarsimavai. Ukioq mannami aalisarnermi pisarineqartut amerlassusaat akigitinneqartullu ukiup siulianut sanilliunnerini ikinnerungaatsiarsimapput, tamatumalu kingunerisaanik aningaasanut inatsimmut sunniuteqarput.

Raajanut katillugit isertitassat 180 million koruuninit 170 million koruuninut appartinneqarput, pingajussaaneerneqannginneranilu konto taanna qaffaavigineqarsinnaavoq. Tamatumunnga pissutaavoq Pinngortitaleriffimmi uumasorsiuut ukiup tullianimut raajartassiissutinik innersuussutit qaffassimammassuk., tamannalu siunnersuummi Aqqaluaq B. Egede'p saqqummiuteqqammisaani ilanngunneqarsimanngitsoq, Sermitsiaq.AG'p paasisimavaa.

Imigassat ikinnerusut

Nunap karsia ukiumut immikkoortumi allami 5 million koruunit annaasaqarfigissavai. Tassa imigassat aalakoornartunik akullit eqqussorneqarneri, ukiuni kingulleq appariartuinnavissimasoq.

- Imigassanik aalakoomartortalinnik eqqussuineq ukiuni kingullemi appariartorfiuvoq. 2017-imi qaammatini qulingiluani siullerni eqqussuinerup ilimanarsisippaa eqqussuineq suli appariarfiussasoq, taamaammallu iluanaarutissat 5,0 million koruuninik ammut iluarsineqassasut siunnersuutigineqarluni, aningaasaqarnermut naalakkersuisoqarfik allappoq.

Stempelafgifter giver 10 millioner kroner ekstra

For en kassemester, der gerne vil kradse penge ind, er der imidlertid godt nyt på området vedrørende stempelafgifter. Her har finansdepartementet opjusteret indtægterne med hele 10 millioner kroner.

- 2017-imi nammineerluni sanaartortitsinerit ineriartorfiunerat tunngavigalugu, taakkununnga pi- ginneqatigiilluni inissialiornerit ilanngullugit, inissianik nammineerluni pisinerit (attartortumiit piginnitturnut) il.il. ukiuni aggersuni naqissusiinermut akitsuut aqqutigalugu annermik iluanaarute- qartoqarnissaa naatsorsuutigineqarpoq, naalakkersuisoqarfik paasissutissiivoq.

Amerlanerusunik isertitsissutaassussat agguarnerit ima isikkoqarput:

Pigisanut aalaakkaasunut uppernarsaatit – 3 million koruunit

Pigisanut aalaakkaasunut qularnaveeqqusiineq – 5 million koruunit
Akiligassanut uppernarsaatit – 1 million koruunit
Akiitsunik tigusineq – 1 million koruunit

Sulisoqarnermut akitsuut

Sulisoqarnermut akitsuut ilimagisamit 3 million koruuninik sinnerlugit isertitsissutigineqassaaq. Killormuanillu nukissiornermi ikummatissat avatangiisinut akitsuutinut nunap karsiata 2 million koruuninik ikinnerusunik nunap karsiata isertitaqarfigissavaa.

Innaallagiaqarnermut imeqarnermullu akinik assigiimmik akeqartitsinissamut iluarsartuusseqqinnermi 150 million koruuninik naleqartoq aningaasanut inatsimmut sunniuteqassanngilaq. Tamatumunnga pissutaavoq akiitsut taarsersornissaanut piffissaliussarineqartup sivitsorneqarnera pigisanillu nalilinnik annikillisaariaatsip allannguuteqarnerinut periarfissaq Nukissiorfiit maannakkut atorpaa.