aningaasanut inatsit 2018
2018-imut aningaasanut inatsit isumaqatigiissutigineqartoq
Naalakkersuisoqatigiit partiit pingasut 2018-imut aningaasanut inatsit akuerineqarnissaa isumaqatigiissutigisimavaat
Siumumi, Partii Naleqqami, Inuit Ataqatigiinnilu aningaasaqarneq pillugu oqaaseqartartuisa Aningaasaqarnermut Akileraartarnermullu Naalakkersuisoq Aqqaluaq B. Egede peqatigalugu, ualilluinnartoq isumaqatigiissut atsiorsimavaat.
Sermitsiaq.AG-p tusarfini oqaloqatigisimasaa naapertorlugu isumaqatiginninniarnerit pilertupallassimapput.
Isumaqatigiissullu sunik imaqarnera suli oqaatigineqanngillat. Aningaasanut inatsit sinnerartuussanersoq amigartooruteqassanersorluunniit.
Aningaasanut inatsisissatut siunnersuut aggustip qaammataani saqqummiunneqarmat 8 million koruuninik sinneqartoorfiusussaasimangaluarpoq, kingornali aningaasanut inatsimmi aningaasartuuteqarnerulernissamik ilanngussuinerit, sinneqartoornerungaluaq 8 million koruuninik amigartoorfiulersimavoq.