Sila
2013 ukiut kiannerpaat qulit ilagaat
Datacenterit pingasut isumaqatigiipput 2013 ukiut kiannerpaat tallimarigaat. Taamatut allappoq DMI
NASA-GISS, NASA Goddard Institute for Space Studies-ip januaarimi uuttortaanini tamanut saqqummiuppai, tassanilu 2013 ukiut kiannerpaat tallimassaannut inissinneqarpoq. Maanna datacenterit allat marluk uuttortaanerminnik saqqummiussipput. Taakkua tassaapput Tuluit Nunaanni Universitby of East Anglia-mi CRU, Climatic Research Unit, aamma amerikami NCDC, Nationa Climatic Data Center.
Taamatut allappoq DMI.
NCDC-ip GISS-itulli 2013 ukiut kiannerpaat tallimassaattut inissippaa, nunarsuarmi kiassuseq upperinartumik uuttorneqartalermalli. CRU naapertorlugu 2013 ukiut kiannerpaat arfineq-pingajussaraat. Datacenterini pingasuni assigiinngissuteqarneranut pissutaavoq Issittumi agguaqatigiissillugu kiassuseq ilaatigut assigiinngilaartumik uuttortarneqartarmat, tamatumani paasissutissat ikittuullutik, ilaatigullu ukiuni ataasiakkaani nikingassutsit ima annikitsigaat, hundredip aggorneri ikittuinnaat tulleriiaassutsimik annertuumik nikisitsisinnaallutik. 2013-imi kiassuseq 1961-imiit 1990-imut agguaqatigiissillugu kiassutsimut 0,49 aamma 0,52°C akornanni nikingassuteqarpoq. Suli kiannersaavoq 2010, tullersortaalluni 2005.