Esbjerg
17-nik ukiulimmut knallertertumut seqqortoq ukiuni sisamani parnaarussaavoq
Angut 51-nik ukiulik Esbjergermiu nukappiaqqamut 17-nik ukioqartumut knallertertumut toqutseriarsimanngitsoq eqqartuussivimmit aalajangerneqarpoq
Angutip 51-nik ukiullip Esbjergimi taamani 17-nik ukioqartoq Inunnguaq Nielsen luftgeværiminik aneerasaartarfiminit aallaavaa. Inunnguaq Nielsenip knallerternera nipitugalugu allaavaa novembarip pingajuani 2013-mi.
BT-mit nalunaarutigineqarpoq Inunnguaq Nielsen suli pisunniarnerminik ajornartorsiuteqartoq.
51-nik ukiulik Nicki Madsen eqqartuussivimmi aalajangeeqataasunit toqutserianngitsutut nalilerneqarpoq. Navianartumilli iliuuseqarnera pissutaalluni ukiuni sisamani parnaarussassanngortinneqarpoq.
Nukappiaraq eqqoriarnagu eqqartuussivimmi Nicki Madsen oqaluttuarpoq, knallerterooruna eqqoriarsimagini nassuiaallugu.
Toqutsisimasutut eqqartuunneqartareersoq
Angut ukiuni tallimani arfinilinniluunniit parnaarussaanissaa unnerluussisumit Christina Korsgaardimit piumasarineqaraluarpoq.
- Aalajangiineq nalilersorusunngilara. Aalajangiineq Statsadvokatimut ingerlateqqinneqassanersoq eqqarsaatigineqassaaq, Christina Korsgaard BT-mut oqarpoq.
Angut 51-nik ukioqartoq siornatigut toqutsisimasutut eqqartuunneqartareernikuuvoq.