16-inik ukiullit marluk tammaarsimaarnerup nalaani periarfeerunneqartut

Nukappiaqqat marluk 16-inik ukiullit Nuummi Politiit ujaarivaat.

Taakku tamarmik meeqqat angerlasimaffiata tammaarsimaartitsinerani peqataasuupput. Taakku Itinnera eqqaaniit Nuup tungaanut pisuttut arfininngormat 19. august 2017 nalunaaqutaq 21.30 missaani kingullermik takuneqarput.

Taakku Ameraliup kangerluani Iterlammiissimasut politiit ilisimavaat. Kapisilinni, Nuummi, Ameralip kangerluani Uummannallu Sulluani angallattut, nukappissanik takunnissimasinnaasut takunnissimasut qinnuigineqarput politiinut saaffiginneqqullugit.

Pineqartut tassaapput Invar Sanimuinnaq Didomik taaneqartartoq, qernertumik qaatigooqarpoq, tungujortumik taartumik kiateqarpoq qorsorasaanik sakkutuut qarliinik atorluni. Aamma Nuka Sethsen, tungujortuugunartunik qalleqarpoq.
Politiit paasissutissat pissarsiarisimasaat naapertorlugit taakku oqarasuaatinik angallattakkanik nassataqarsimanngillat.

Nukappissanik marlunnik takunnissimasinnaasut angalaarnerminniluunniit ikisisimasiinnaasut Nuummi politiit tusarfigerusuppaat. Nuummi politiit oqarusuaat 70 14 48 sianerfigalugu attavigineqarsinnaapput.