Sunday, January 8, 2017 - 08:09

114 mio. koruuninnattoq

Assi.: Pressefoto Danske Spil
114 mio. koruuninik eqquisoq nalunaarpoq

Una weekendi kunngeqarfik marlunnik millionerertaqarlerpoq. Aappaa millionerpassuarnik pigisaqalerluni.

Eurojackpotomi peqataasoq Danmarkimi Ølstedimi pisiniarfeeqqami kuponisiani pisiarisimavaa. Illoqarfeeraq 2000 inorlugit innuttalik 114 mio. koruuninik eqquiffiuvoq.

- Eqquisoq danskiuvoq iluanaarluinnartoq. Taassuma kuponisiani SuperBrugsenimi Ølstedimi pisiarisimavaa.

Eqquisup kisitsisit arfineq-marluk eqqoramigit pinnatassaq anneq pinnappaa. Pinnanneqartullu amerlasusaani nr. 4-mi pinnannaqarnikuni inissisimasoq Danske Spil nalunaaruteqarpoq.

Ajugaasup tullia

Danskeq alla aamma Eurojackpotimi 4 mio. koruuninnappoq.
Atuaruk: Savalimmiuneersoq Lottomi 8,6 millionit koruuninik eqquisoq

- Ajugaasup tullia aamma pinnallualaavippoq. Eqquisoq 3,8 mio. koruuninnalluni, Danske Spil allappoq.

315 mio. koruuninik rekoortiliipput

Pinnatassaq anneq 114 mio. koruuniupput, taannalu Danmarkimi eqqorneqarsimasuni nr. 4-mi inissisimalluni. Eurojackpotimi eqqorneqarnikut annerpaat 315 mio. koruuniupput, taakkulu febuaarimi 2015-mi eqqorneqarnikuullutik.

Pinnattut taakku marluk Danske Spilimik aningaasaqarnikkut siunnersorneqassapput. 1,5 mio. koruuninit annertunernik eqquisoqartillugu taama iliortoqartarmat.

Seneste nyheder / Nutaarsiassat kingulliit