akiitsut
1 milliard koruuningajannik akiligassaminnik kinguaattooqqasut
Innuttaasut meeqqanut akilersuinngitsut – eqqagassalerinernulluunniit – amerlasoorujussuupput, naak taamatut akiitsunikkiartuinnarneq oqartussaasut killormut saatinniarsarigaluaraat. Kisitsisit nutaat kukkuneq uppernarsarpaat.
Innuttaasut pisortanut akiitsui killormorluinnaq ingerlallutik amerligaluttuinnarput. Akiligassat kinguaattoorutit katillutik 1 milliard koruuningajaapput.
AG taama allaaserisaqarpoq.
Akileraartarnermut aqutsisoqarfimmi naatsorsuinerit nutaanerpaat AG-mut tunniunneqartut naapertorlugit akiligassat kinguaattoorutit ukiormanna augustimi 986 millioner koruuniupput. Aningaasat akileraarutinit annaasassanut inaalitat ilanngullugit taamatut amerlassuseqarput; katillugit 190 millioner koruunit.
Taamaalillutik akiligassat kinguaattoorutit ukiup ataatsip ingerlanerani 40 millioner koruuningajannik amerlisimapput. 2016-imi augustimi 948 millioner koruuniupput.
AG-mi paasisaqarnerusinnaavutit. Aviisi elektroniskiusoq uani ataani linki atorlugu pisiarisinnaavat: