PILERSAARUT
Nuup Kangerluini qassuserluni qaleralinniarsinnaaneq
Nuup eqqaani kangerluinilu sinerissap qanittuani aalisarnermut pilersaarut malittarisassallu nutaat piareersarneqarput.
Annonse
Sinerissap qanittuani aalisarnermut piniarnermullu siunnersuisoqatigiit oqallisigisimavaat Nuup eqqaa kangerluillu aalisariutaasunut assigiinngitsunut, soorlu bundgarninut, ningittagarsornermi qassusernermilu, immikkoortiterneqassanersut.
Ineqarnermut Avatangiisinullu Ataatsimiititami siulittaasup Juaaka Lyberthip Kommuneqarfik Sermersuumi kommunalbestyrelsi pilersaarutit pillugit ilisimatippai.
Siunnersuutit suliarineqarpoq
- Aalisarnermut siunnersuisoqatigiit inassutigaat allaffissornikkut siunnersuuteqartoqassasoq Nuummi kangerlunni qassuserluni qaleralinniarneq pillugu malittarisassat allanngortinneqarnissaannut, ataatsimiititaliap siulittaasua ilisimatitsivoq.
Kommunalbestyrelsip ataatsimiinneranit imaqarniliami atuarneqarsinnaavoq allaffissornikkut tamanna tunngavigalugu suliaq aallartinneqartoq, taannalu suliarineqareerpat aalisarnermut siunnersuisooqatigiinnut aamma ineqarnermut avatangiisinullu ataatsimiititaliamut saqqummiunneqassasoq.
