Toqutsisoqarsimagunartoq imminullu toquttoqarsimagunartoq misissuinermi paasineqarpoq

Tasiilami inuit marluk toqungasut sapaatip akunnerata siuliani nassaarineqarnerannut atatillugu politiit marlunngornermi ullaap tungaani misissuinertik pillugu nutaanik paasissutissiipput.

Aappariit pineqarput, angut 59-inik ukiulik arnarlu 57-inik ukiulik, toqutaasimasutut imminullu toqussimasutut politiinit nalilerneqarput. Pisumi allanik peqataasoqarsimanngilaq.

- Tasiilami toqungasunik marlunnik nassaartoqarneranut atatillugu paasiniaanerup takutippaa toqutsisoqarsimagunartoq imminullu toquttoqarsimagunartoq. Paasiniaanermi takussutissaqanngilaq toqungasut saniatigut allanik toqusoqarneranut attuumassuteqartoqarsimaneranik, politikommissær Malik Sandgreen oqarpoq, nangipporlu:

Inuit marluk toqungasut nanineqartut

Tasiilami inuit marluk toqungasut nassaarineqareersullu politiit pasinartumik pisoqarsimaneranik suliaq misissuiffigaat.

- Politiit nalunaarutigineqarnerup kingorna ulluni arlalinni pinerluttoqarsimatillugu misissuisartunit toqusullu timaannik misissuisartunit Danmarkimit ikiorneqarput. Misissuineq suli ingerlammat piffissami matumani allanik paasissutissiisoqarsinnaanngikkallarpoq.

Qanigisaasut misissuinerup inernera pillugu ilisimatinneqarsimasut Politikommissæri oqarpoq.

Aappariit toqungasut apriilip sisamaani nal. 11.08 nassaarineqarsimasut politiit nalunaarfigineqarput.