Seqerngup pulanera Kalaallit Nunaannit
Kalaallit Nunaanni ataasinngornerup unnukkuani seqineq ilaannakoortumik pulavoq, Nuummilu sila atorsaammat pisoq immikkuullarissoq takuneqarsinnaavoq.
Annonse
Ataasinngormat misigisaq qaqutigoortoq pivoq, tassami Kalaallit Nunaanni seqernup pulanera ilaannakoortumik takuneqarsinnaammat.
Pisoq immikkuullarissoq takussagaanni allaaqqittariaqarpoq. Seqernup pulanera nalunaaqutaq 18.30 missaani malunnarnerpaammat Nuummi takuneqarsinnaalluarpoq.
Maani seqernup affangajaa qaammammit asserneqarpoq, taannalu allaaserisami qullermi assimi takuneqarsinnaavoq.
Kalaallit Nunaanni seqernup pulanera ilaannakuusumik takuneqarsinnaasoq Amerikami Avannarlermi tamakkiisumik pulavoq.
Tassani qaammatip seqineq tamakkiisumik ulikkaarmagu Mexicop illoqarfiisa ilaanni Mazatlanimi nuannaarnersuaqarpoq. Tassani inuit seqernup pulanera malinnaaffiginiarlugu immikkut ittumik isarusserlutik ataatsimoortut nutaarsiassaqartitsivik Ritzau allappoq.
Seqernup pulanera Mexicomiit ima isikkoqarpoq:
Amerikami Avannarlermi seqernup pulanera nalliuttorsiutiginiarlugu assigiinngitsunik aaqqissuussisoqarsimasoq Ritzau nangilluni allappoq. Ilaatigut katittut amerlasuut aaqqissuussallu allat pilersaarutigineqarsimallutik.
