Tasiilami toqusut marluk:
Pinerluttoqarsimatillugu misissuisartut Danmarkimeersut politiit misissuineranni ikiuuttut
Kalaallit Nunaanni Politiit Tasiilami pasinartumik marlunnik toqusoqarnera misissuiffigaat. Pinerluttoqarsimatillugu misissuisartut ikiuukkiartorlutik Tasiilamut arfininngorpat tikissapput.
Annonse
Tasiilami toqutsisoqarsimasinnaaneranik paasiniaanermi Kalaallit Nunaanni Politiit takunnissimasunik killisiuipput.
Inuit marluk Tasiilami toqungasut nassaarineqarsimasut Kalaallit Nunaanni Politiit apriilip sisamaani nal. 11.08 nalunaarfigineqarput. Angut 59-inik ukiulik arnarlu 57-inik ukiulik pineqarput.
Qanoq pisoqarsimanersoq Politiit maanna oqaatigisinnaanngilaat:
- Pinerluttoqarsimanersoq maanna oqaatigisinnaanngilarput, kisianni suliami takunnissimasunik killisiuivugut, Kalaallit Nunaanni Politiini politikommissæri Malik Sandgreen Sermitsiaq.AG-mut oqarpoq.
Pinerluttoqarsimaneranik paasiniaasartut tikissasut
Suliamut atatillugu pinerluttoqarsimatillugu misissuisartut Danmarkimit politiit misissuineranni ikiuukkiartussapput. Taakku Tasiilamut arfininngorpat tikissasut Malik Sandgreen paasissutissiivoq.
- Politiit suliaq suli misissuiffigaat toqusullu timaannik misissueqqissaarnerit inerneri utaqqillugit. Toqusunik misissueqqissaarnerit pinerluttoqarsimatillugulu misissueqqissaartartut misissuinerisa toqunermut pissutaasimasut paasinarsisissavaat. Politiit taamaammat oqaaseqaqqissinnaanngikkallarput, Kalaallit Nunaanni Politiit ilisimatitsipput.
