AKISSUT
Paragraf 37 atorlugu apeqquteqartarneq allannguinermik kinguneqanngingajattarpoq
Inatsisartut paragraf 37 atorlugu apeqqutaat arlallit akiniarneri piffissartornarlunilu akisusinnaasarpoq. Apeqqutillu akineqareernerannit allannguisoqakkajunngitsoq naalakkersuisoqarfinnit inerniliussarineqarpoq.
Naalakkersuisut Inatsisartullu imaluunniit nunatsinnit folketingimi ilaasortaatitat Kalaallit Nunaannut sinniisuuppat? Najukkani qatserisartut amerlassusissaat ikilisinniarneqarpat? Isigiarsuttunut siunnersuisarneq qaqugu atulerseqqinneqassava?
Paragraf 37 atorlugu Naalakkersuisunut apeqquteqaatit katillugit 186-it 2023-mi nassiunneqarsimapput.
Aqqalu C. Jerimiassenip (A) paragraf 37 atorlugu apeqquteqaataanut Naalakkersuisut siulittaasuata Múte B. Egedep akissutaani tamanna atuarneqarsinnaavoq. Atassummi siulittaasup paragraf 37 atorlugu apeqquteqaatit akiniarneri qanoq piffissartornartiginersut ukiumullu qanoq akeqarnersut paasiniarpaa.
1,7 millionit koruunit pallillugit
Formandens departement vurderer, at der bruges i gennemsnit 12,5 timer for at besvare et paragraf 37 spørgsmål. En besvarelse koster mellem 2.522,62 kroner og 9.109,12 kroner per besvarelse, alt efter hvilken stilling medarbejderen der udarbejder besvarelsen har.
- 2023-imi § 37 naapertorlugu apeqqutigineqartut 186-iusimapput, taamaasillunilu lnatsisartuni ilaasortat apeqquteqaataasa akineqartarnerinut aningaasartuutaasimasut 469.208,25 kr. aamma 1.694.296,32 kr. akornannut missingerneqarsinnaalerlutik.
-Erseqqissaatigineqassaaq kisitsisit qulaani taaneqartut nalilersuigallarnerummata, akissutigineqarpoq.
Suliniutinik allanngortitsikulanngillat
Inatsisartut apeqqutissaqarluaraluartut, taamaattoq apeqqutit kingunerisaannik suliniutinik allannguisoqartarnerannut malunnaateqarnersoq, naalakkersuisoqarfinnit nalileruminaappoq maluginiarneqaraniluunniit:
- Naak § 37-t naalakkersuisoqarfinni amerlanerusunik sulisoqartariaqalernernik kinguneqartarnerat uppernarsarneqarsinnaanngikkaluartoq oqaatigineqassaaq § 37 naapertorlugu apeqquteqaatit suliniutinik nutaanik aallartitsinernik anguniakkanilluunniit allanngortitsinernik kinguneqartitsikulanngimmata, taamaattorli suliarinerini suliassat allat naallakkersuisoqarfinni tunulliukkallarneqartariaqartarput. Suliffimmi atugassarititat taamaanneri allaffinni sulisunut ulapisitserujussuartarput suliffimmilu pitsaanngitsumik atugassaqartitsilernermik kinguneqartarlutik.
- Pissutsit taamaannerata Naalakkersuisoqarfiit ilaatigooriarlutik suliassanik
avammut suliakkiutigineqarsinnaasunik suliakkiisariaqartarneranik
kinguneqartarpoq. Taamaattumik § 37-it salliunneqartussanngortillugit
nukissat pitsaanerusumik atorneqarsinnaagaluartut
atorneqarsinnaajunnaartarsorineqarput, Múte B. Egede akissummini allappoq.
Naalakkersuisuutitaqartut apeqqarissaartut
Naalakkersuisut siulittaasoqarfiata Naalakkersuisunut paragraf 37 atorlugu apeqquteqartut partiikkuutaarlugit nalunaarusiorsimavai. Naatsorsuinerup takutippaa Inuit Ataqatigiit 57-inik aamma Siumut paragraf 37 atorlugu apeqquteqaatinik 59-inik 2023-mi nassiussimasut.
Inatsisartut sammisanut aalajangersimasunut misissuissatillutik tamat oqartussaaqataanerat eqqarsaatigalugu Naalakkersuisunut § 37 naapertorlugu apeqquteqarsinnaanerat pingaaruteqarluinnartumik inissisimavoq. tarneq pingaarutilerujussuuvoq. Inatsisartut paragraf 37 atorlugu ullumikkut apeqquteqassatillutik ataatsikkut qassinik apeqquteqarsinnaanerannut killilerneqarsimanngillat. Naalakkersuisulli siulittaasoqarfiata nalilerpaa periarfissat suuneri pillugit politikkikkut oqallittoqarnissaa pisariaqarsinnaasoq, ilaatigut paragraf 37 atorlugu apeqquteqarnermi, nunani allani naalakkersuinikkut sulinerit assigalugit, killiliisoqarsinnaanera pillugu.
- Naalakkersuisunut apeqqutigineqartartut suliarineqartarneri nutaamik eqqarsaatigineqarsinnaapput nukissanillu atuisarnerit annikillisillugit lnatsisartunimi partiit tamarmik pisortat allaffissornerisa annikillisarnissaat soqutigisarimmassuk. Naalakkersuisut piareersimapput nutaaliorsinnaanermut immersueqataanissaminnut, soorunami pissaanerup aggulussimaneranik imlt. sullissinermik ajornerulersitsinngitsumik, kisiannili illuatungaanik maannakkut periarfissanik pitsanngorsaanissamut. Naalakkersuisut siulittaasuat, Múte B. Egede oqarpoq.