Nannup qanillivallaarneqarnera politiit misissuiffigaat
Umiatsiaq Nunatta Kujataani nannumut qanillivallaarsimasoq politiinut sapaatip-akunnerani matumani nalunaarutigineqarpoq.
Umiatsiaq nannumut qanillivallaarsimasorooq politiinut nalunaarutigineqarpoq.
Kalaallit Nunaanni Poltiiineersoq Preben Kleist Sermitsiamut tamanna uppernarsarpaa.
Nalunaaruteqartoqarnera naapertorlugu Qaqortumiit 8 kilometerit missaanni ungasitsigisumisumiippoq, politiit angallataat sumiiffimmut misissuiartorluni orniguppoq.
- Nannup qanillivallaarneqarnera uumasut illersorneqarnissaat pillugu inatsimmik unioqqutitsisoqarnera nalunaarutigineqarpoq.
Pisoq misissuiffigineqartoq
- Pisoq misissuiffigaarput, taamaattumik maannakkut oqaaseqaqqissinnaanngikkallarpunga, poltiiineersoq Preben Kleist oqarpoq.
Uumasunik illersuinermut inatsit naapertorlugu nannumik malersuineq, piniarnermut attuumassuteqanngippat, qanillinerlu inerteqqutaasut ilanngullugu oqaatigaa.
Facebookimi assini ingerlaartuni takuneqarsinnaavoq angallat nannumut ima qanillisimatigaaq ilaasut nanoq attorsinnaalerlusugu.
Nannunik takornariartitsisarneq 2023-mi atulersinneqarpoq. Tassa oqartussanit akuersissuteqarnikkut nannunik ujaasisoqarsinnaallunilu takornarianut takuniaatitsisoqarsinnaavoq. Piumasaqaataavorli nannunut minnerpaamik 200 meterisut ungasitsigisumiinissaq.