Kulturimut ministeri: Børsenip sanaqqinneqarnissaa pillugu oqalunnissaq siusippallaarpoq
Børsen ikuallappoq, tamannalu Jakob Engel-Schmidtip ajuusaarutigaa. Sanaqqinnissaq kingusinnerusukkut aatsaat eqqartorusuppaa.
Børsenip ikuallassimasup sanaqqinneqarsinnaanera pillugu oqalunnissaq suli siusippallaarpoq.
Kulturimut ministeri Jakob Engel-Schmidt (M) Ritzauimut taama oqarpoq.
Illup sanaqqinneqarnissaa pitsaanerpaassangatippaa, tamannali Danmarkimi naalakkersuisut pisortatigoortumik isumaattut suli isigineqassanngilaq:
- Illu suli ikuallammat sukumiisumik oqaaseqarsinnaanngilanga, oqarpoq.
Dansk Erhvervip illu taanna pigigaa aamma ministerip innersuussutigaa. Tassani suliffeqarfik allaffeqarpoq.
- Børsen sumiiffigiuaannakkaminiinngitsoq takorloorsinnaanngilara, Jakob Engel-Schmidt oqarpoq.
- Aperigumma sanaqqinneqarnersoq qanorlu sanaqqinneqarnersoq, akinissaanut suli siusippallaarpoq, oqarpoq.
Pisut ministerip tupaqqassutigai. Børsen Københavnimi tamarmi ilisarnaataavoq, kulturikkullu erlinnartuuterpassuit tassaniipput.
Taamaattumik Statens Museum for Kunst, eqqumiitsulianik allanillu Børsenimit annaanneqartunik toqqorsiviusussanngortoq, ministerip aamma oqaloqatigaa.
Ilaatigut qalipaasup Skagenimeersup P.S. Krøyerip qalipagaasa ilisimaneqarnerpaat ilaat annaanneqarpoq.
/ritzau/