Islandip ministeriunera præsidentinngorusuppoq

Islandip ministeriunera, Katrin Jakobsdottir, tunuarniarpoq Islandimi tullissaani præsidentimut qinersinermi præsidentissatut qinigassanngortinnissaminut piareersarluarniarluni.

Taanna taamak tallimanngornermi Islandip radio- aamma tv-qarfiata RUV-ip, Reutersip allaaserisaa naapertorlugu nalunaaruteqarpoq.

Præsidentimut qinersineq pissaaq juunip aallaqqaataani.

Taassuma nalunaarutaa tupaallatsitsissutaanngilaq, kisianni Islandimiut tusagassiorfiat Iceland Review naapertorlugu tamanna Islandimi naalakkersuisooqatigiinnut ajornartorsiortitsinermik kinguneqarsinnaavoq.

Statsministeritut taassuma kingoraartissaa suli nalunarallarpoq.

Katrin Jakobsdottir tassaavoq partii Den Grønne Venstrebevægelse. Taannalu 2017-imili ministeriuneruvoq.

- Erseqqissaatigineqassaaq, Islandimi politikkikkut ingerlatsinermi taamak pisoqarsimanngisaannarmat, ilisimatusarnermi professori Olafur P. Hardarson oqarpoq.

Taanna isumaqarpoq, ministeriunerup præsidentinngorniunnermi  qinigassanngortinniarnera Islandimi naalakkersuisooqatigiinnut arlalinnik ajornartorsiortitsisinnaasoq.

- Pingaartumik naalakkersuisooqatigiit suleqatigiinneranni qajannarluinnartumik inissisimasumi, maannamut ukiuni kingullerni marlunni pingasunilluunniit ingerlasuni, taanna oqarpoq.

Taamaattorli taanna aamma paarlattuanik isumaqarpoq Jakobsdottir præsidentimut qinigassanngortilluni sassarsimanavianngikkaluartoq, isumannaatsumik eqqissisimasumillu naalakkersuisooqatigiit tunngavissinneqarsimanngitsuuppata.

Islandimi ministeriunerup Jakobsdottirip partiiata saniatigut partiit suleqataasut tassaapput qiterliit partiiat (midterpartiet), Fremskridtspartiii aamma konservative Selvstændighedspartii.

/ritzau/