Inuit marluk toqungasut nanineqartut
Tasiilami inuit marluk toqungasut nassaarineqareersullu politiit pasinartumik pisoqarsimaneranik suliaq misissuiffigaat.
Annonse
Pisoq toqutsisoqarsimasinnaaneranik pasinartutut Kalaallit Nunaanni Politiit tusagassiuutinut nalunaarummi naatsumi ilisimatitsissutigaat.
- Kalaallit Nunaanni Politiit ullaaq manna nal. 11.08 nalunaarfigineqarput inuit marluk Tasiilami toqungasut nassaarineqarsimasut.
- Pasinartumik toqusoqarneranik suliamik misissuileruttorpugut. Misissuinerlu aallarteqqammermat paasissutissanik allanik oqaaseqarsinnaanngikkallarpugut, uppernarsaannarsinnaallutigillu misissuisoqarnera, pigaartut pisortaat Anette Ostenfeldt allappoq.
Politiit ilisimatitsipput toqungasut nassaarineqartut tamarmik misissuiffigineqassasut.