Inissakilliorneq: Ilivitoqqat nuunneqassapput
Qaqortumi iliveqarfik inissaqalersinniarlugu ilivitoqqat ataatsimoorussamut iliverneqassapput.
Annonse
Qaqortup iliveqarfiani inissat pisariaqartinneqarput, taamaattumik ilerrit ukiunik 50-nik sivisunerusumik inissisimasimasut kommunip nussuleruttorpai.
Tamanna kommunip nittartagaani atuarneqarsinnaavoq.
Ukioq manna aasanerani ilerrit assallugit ataatsimoorussamut iliverneqassapput.
- Taamaaliornikkut iliveqarfitoqqami ulikkaarluinnalersumi siunissami ilisinissanut inissaqarlualernissaa siunertaavoq, suliaq pillugu kommuni allappoq.
Ataatsimoorussamik ilerrup inissisimavissaa 2016-imi aaliangerneqarpoq.
Qaqortumi iliveqarfimmi februaarimi uissuumminartumik pisoqarpoq, tassani ilisinerup nalaani iliveq sequmissimasoq Sermitsiamit oqaluttuarineqarmat. Pisimasoq tamanna pissutigalugu kommunip ilisinermi periutsit sukaterpai, borgmesteri Stine Egede ilisimatitsivoq.
