Atuarfimmi aserorterisoqarsimanerani takunnissimasunik politiit ujaasipput
Nalunnguarfiup Atuarfiani aserorterisoqarsimammat atuarfik ippassaq matoqqavoq. Atuarfik ullumi ammarpoq, aserorterisimasulli suli kikkuuneri paasineqanngillat, politiillu takunnissimasunik ujaasipput.
Annonse
Sisimiuni Nalunnguarfiup Atuarfiani aserorterisoqarsimaneranik politiit suli misissuipput.
- Annerusumik oqaasissaqanngilagut, sulili misissuivugut. Paasissutissanik pissarsinikuuvugut, sulili misissuiffigaagut, Kalaallit Nunaanni Politiit Sermitsiamut paasissutissiipput.
Atuarfik marlunngornermi ammaqqittussaasoq aserorteriffigineqarpoq, atuartullu 350-it sinnillit angerlarsimaannartariaqarsimapput, atuarfik torersarneqartariaqarmat.
Aserorterisimasut suli kinaassusersineqanngimmata suliarlu naammassineqarniassammat politiit takunnissimasunik pissarsiorput.
Politiit oqarasuaammut uunga saaffigineqarsinnaapput: 70 14 48
