POLITIINIT NALUNAARUT
Ataatsimoorlutik persuttaasimasut angutit pingasut tigummigallarneqartut
Angutit pingasut Uummannami ataatsimoorussillutik persuttaasimasutut pasineqarlutik sapaammi eqqartuussivimmi sassartinneqarlutik killisiorneqarput. Persuttaanermi angut ataaseq annertuumik ajoquserpoq.
Annonse
Arfininngornermi persuttaasoqarsimaneranut tunngatillugu paasissutissat amerlanngillat. Angutilli pingasut eqqartuussivimmi sassartinneqarsimapput tigummigallarneqarnissaat siunertaralugu.
- Suliaq matoqqasumik ingerlanneqarmat, paasissutissanik allanik tunniussisinnaanngilanga, Kalaallit Nunaanni Politiini pigaartut pisortaat ilisimatitsivoq.
Persuttaasoqarsimaneranik politiit arfininngornermi nal. 20.44 nalunaarfigineqarsimapput. Suliaq suli paasiniaaffigineqarpoq.
