UUMMANNAQ
Angut nakuuserfigineqarnermi kingorna annertuumik ajoqusertoq
Kalaallit Nunaanni Politiit arfininngornerup unnukkuani annertuumik nakuusertoqarneranik nalunaarummik apuussiffigineqarput. Inuit arlallit kattussillutik angummik ataatsimik sakkortuumik nakuuserfiginnissimapputt. Angut annertuumik ajoqusersimasoq, Kalaallit Nunaanni Politiit nakkutilliisuutitaasa pisortaat, Jørgen Madsen oqaluttuarpoq.
Nutarterneqarpoq sapaat 31. marts nal. 15:30:
Kalaallit Nunaanni Politiit nakkutilliisuutitaasa pisortaat Bent Johnsen oqaluttuarpoq politiit misissuinerisa kingunerisaanik angutit pingasut angummut nakuusersimasutut pasineqarlutik tigusarineqarsimasut. Politiit sulissutigivaat pasisaasut taakku eqqartuussivimmut sassartinneqarnissaat.
---
Arfininngorneq unnukkut nal. 20:44 Kalaallit Nunaanni Politiit nalunaarfigineqarput Uummannami nakuuserfiginnittoqarneranik annertuumik nalunaarutiginnittoqarluni.
Inuit arlallit kattussillutik angut ataaseq annertuumik najuuserfigisimavaat. Angut saassunneqartoq nakuuserfigineqarnermi kingorna annertuumik ajoqusersimavoq.
- Maannamut inunnik arlalinnik tigusarinnereerpugut. Angut annertuumik ajoquserneqarsimavoq Uummannamilu misissuineq suli ingerlavoq, Kalaallit Nunaanni Politiit nakkutilliisuutitaasa pisortaat Jørgen Madsen oqaluttuarpoq.
Jørgen Madsen suliap annertunerusumik oqaaseqarfiginissaanut maannangaaq periarfissaqanngilaq, misissuineq suli ingerlanneqarmat.
