Aasaanerani nalunaaqutaq eqqaamallugu - tamannali Ittoqqortoormiinut atuutissanngilaq
Arfininngornermi unnukkut nalunaaqutaq 23.00 nalunaaqutaq akunnermik ataatsimik siuartinnissaa eqqaamassavat. Tamannali Ittoqqortoormiini innuttaasunut atuutissanngilaq.
- Ukioq manna aasaanerani nalunaaquttap immikkuullarissutigaa, Ittoqqortoormiit, Kalaallit Nunaanni nalunaaquttap ingiaqatigiiffianut nalinginnaasumut ilaalerluni, nalunaaquttap ingiaqatigiiffianit nammineq malitaminiit nuuttussaanera. Taamaattumik ukioq manna Ittoqqortoormiini nalunaaqutaq aasaanerani nalunaaquttamut nuutinneqartussaanngilaq, Namminersorlutik Oqartussat tusagassiorfinnut nalunaaruteqarlutik allapput.
Aasaanerani nalunaaqutaq oktobarip qaammataani sapaammut kingullermut, ulloq 27. oktober 2024-mut, sivisussuseqassaaq. Tassani sapaammi ulloq 27. oktober 2024 nal. 00:00 nalunaaquttamut nalinginnaasumut uteqqissaagut.
- Aasaanerani nalunaaqutaq Kalaallit Nunaat tamakkerlugu atorneqarpoq, Ittoqqortoormiit ilanngullugu, kisianni Danmarkshavn aamma Pituffik Space Base, namminneq maleruagassatik malillugit ingerlasut, ilaanatik, ilisimatitsissutigineqarpoq.
