2025-mi Qaanaamukartalerniartoq
Arctic Umiaq Linep Naalakkersuisullu 2025-mi aasaanerani angallassinissamut pilersaarutaat Qaanaamut angalanermik ilaqarput.
2025-mi aasaanerani angallassinissamut pilersaarutit Qaanaamut angalanermik nutaamik aamma Kullorsuarmut angalanermik ilaqartut, Naalakkersuisut Arctic Umiaq Linelu nalunaarput.
Immikkut ittumik angallassisoqartalilernera Arctic Umiaq Linemi niuernermik ineriartortitsinermut pisortap, Mads Mathiassenip, nuannaarutigaa.
- 2025-mi Qaanaamut angalasinnaaneq AUL-imi anguniakkatta piviusunngorneranut ilaavoq, tamannalu tulluusimaarutigaara.
- Kalaallit Nunaat immakkut ataqatigiissinnissaa pingaartumik kissaatigaarput, taamaasilluta najukkami najugaqartut aamma takornariat Kalaallit Nunaanni angalanerat tapersersinnaassagatsigu, Naalakkersuisut tusagassiuutinut nalunaarutaanni, Mads Mathiassen, oqarpoq.
2024 ilinniarfiusoq
Qaanaamut angalaneq aggustip naanerani 2025-mi aallartittussatut pilersaarutigineqarpoq.
Aasaanerani angallassinissamut pilersaarutit 2025-mi angalaffiup sinneranut atuuttut aamma aalajangerneqarput, legollu atorlugit pilersaarut isumassarsiaasoq, Arctic Umiaq Linep pisortaanera Jens-Jakob Sandgreen oqarpoq:
- Nalinginnaasumik Ilulissat avannaani aamma Nuup kujataani inoqarfinni aqqusaartarnerit akisupput, aammali Ilulissat aamma Nuup akornanni angalaneq akisuvoq. Tamatumani assigiinngissut tassaavoq, umiarsuakkut angallassinerup kingunerisaattut naleqarnerulersitsineq.
- Nuuk aamma Ilulissat akornanni angallassinerput ajunngilaq, tamannali Kujataanut aamma Avannaanut iluaqutaanngilaq. 2024-mi umiarsuakkut angallassinissamut pilersaarutitsinnit tamatumani allaanerusunik takornarianik Avannaanut aamma Kujataanut soqutiginninnerusut tunngavigalugit aaqqissuivugut. 2025-mut aasaanerani umiarsuakkut angallassinissamut pilersaarut tamatuminnga tunngaveqarpoq, Jens-Jakob Sandgreen oqarpoq.