Af Noah Mølgaard
29-07 2010 - 15:17
Uummannap eqqaani qaleralinniarneq ingerlalluaqaaq. Ingerlalluarnerulli illuatungerivaa qaleralittassat 5.000 tons-iusut august qiteqqutiinnartoq nunguttussanngorunarmata. Tamatuma aalisarneq unittoortilluinnarsinnaavaa.
AAJUK: Aalisakkat assigiinngitsut pisassiissutit
Maanna Qaasuitsup kommuneani inuussutissarsiornermut ataatsimiititaliaq naalakkersuisunut qinnuteqarpoq ukiup sinneranut immikkut pisasseeqqiittoqarnissaanik.
– Ilisimatinneqarpugut aalisartut 320-it RG-mut tulaassisartutut nalunaarsorneqarsimasut. Taassuma saniatigut suliasartut 157-it toqqaannartumik eqqorneqartussanngortut uagutsinnut ilisimatitsissutigineqarportaaq, taama oqarpoq Qaasuitsup Kommuniani inuussutissarsiornermut ataatsimiititaliami siulittaasoq Peter Olsen Inuit Ataqatigiinneersoq.
Taassuma erseqqissarpaa kommune aningaasaqarniarnikkut ilungersunartorsioreersoq suli nammakkerneqaqqissasoq inuppassuit taakku inunnik isumaginnittoqarfimmut innersuunneqartariaqalissappata.
Taamaattumik Qaasuitsup Kommuniata naalakkersuisunut qinnutigaa ukiut sinnerannut 2.000 tons imaluunniit 3.000 tonsinik pisasseeqqittoqassasoq.
– Taamaattoqanngippammi ukiup sinneranut inunnik isumaginninnikkut aningaasartuutissagut nungunneqalereersut saniatigut, aningaasassaqartinngisatsinnit millionit arlallit ukiup sinneranut atorfissaqartilertussaagatsigit, taama Peter Olsen oqarpoq.
Aalisarnermut naalakkersuisoq Ane Hansen siornatigut Sermitsiamit apersorneqarluni nalunaareerpoq immikkut pisasseeqqittoqartarnissaa aalisartut siunissami naatsorsuutigissanngikkaat.
For at kommentere, skal du registrere dig som bruger. Hvis du allerede har f.eks. en Facebook-profil, kan du let komme i gang bare ved at trykke på Facebook-ikonet (1).
Mere vejr
16°C