Af redaktionen
28-07 2010 - 14:03
- Atorfik nutaajuvoq Danmarkimiit ingerlanneqartussaq, nunanilu tamalaani Danmarkip Kalaallit Nunaatalu avataani nunani tamalaani tunisanik kaaviiaartitsineq annertusiniarparput, tuniniaanermut pisortaq Klaus Johansen oqarpoq.
Massakkorpiaq angalatitsiviit Kalaallit Nunaanut angalarusuttunit saaffigineqartuarput, ingammik Europamit Amerikallu avannaanit.
- Ukiamut timmisartuutileqatigiinnik allanik suleqateqalerutta naatsorsuutigaarput taamatut nunatsinnukarusunneq suli annertusissasoq. Aamma Kalaallit Nunaata Islandillu akornanni 2011-mi bilitsinik suli amerlanerujussuarnik tuniniagaqassaagut. Nini Biilmannillu atorfinitsinnera taamatut annertusaaniarnerup malitsigaa, Klaus Johansen oqarpoq.
60-t sinneqartut atorfimmut qinnuteqarput, tamarmillu piginnaasaat qaffasissimaqaaq, tamannalu Air Greenlandip suliffigissallugu pilerinartuuneranut takussutissaavoq.
- Nuannaarutigeqaara Nini uagutsinni atorfimmi pingaarutilimmi aallartissammat. Kalaallit Nunaanni takornariaqarnermik ilisimasaqarluarnera tuniniaallaqqinneralu eqqarsaatigalugit suleqatitaarpugut piginnaasaqarluartumik. Nini Biilmannillu angalatitsinermik ingerlatsereernerminit tunulequtaqarluarnera atorfimmini iluaqutigissaqaa, Klaus Johansen oqarpoq.
Nini Biilmann Nunatsinni Takornariaqarnermut Inuussutissarsiornermilu Siunnersooqatigiinni 2005-miit Market Consultant-itut atorfeqarsimavoq.
Air Greenlandip atorfinititsinermigut tuniniaanermut immikkoortortaq nukittorsarpaa. Toqqaannaq saaffiginnittarfiup Call center-ip, angalaqatigiinnullu tuniniaaviup aammalu E-salg-ip saniatigut immikkoortortami Camilla Siezing Key Account Manager-itut atorfeqarpoq, taannalu nunatsinni suliffeqarfinnut angalatitsivinnullu attaveqaataavoq, immikkoortortamilu pisortaavoq tuniniaanermut pisortaq Klaus Johansen.
For at kommentere, skal du registrere dig som bruger. Hvis du allerede har f.eks. en Facebook-profil, kan du let komme i gang bare ved at trykke på Facebook-ikonet (1).
Mere vejr
16°C