• Del
•  
• Print
• +299 38 39 50 AG
• +299 38 39 80 Sermitsiaq

Af redaktionen 28-07 2010 - 12:10

Aalisarnermut, Piniarnermut Nunalerinermullu Naalakkersuisoqarfiup Ivittuut/Kangilinnguit eqqaanni umimmattassat aalajangiutivippaat. Uminnaat 100-t, siusinnerusukkullu pisassiissutaasimasut sinneri, taakkualu saniatigooralugu piniartunut inuussutissarsiutigalugulu piniartunut agguaanneqassapput.

Umimmannik agguaassinermi tamassuma umimmaqarfiup qanittunnguamiinnera immikkut eqqarsaatigineqarsimavoq, siunertaralugu umimmaat amerlassusaasa siunertalimmik iluarsineqarnissaat.

Umimmattassat sinneri imatut agguaanneqarput:

- Umimmaat qulit Arsummi tammajuitsussanik piniartitsisartunut.

- Umimmaat 25-it Arsummi inuussutissarsiutigalugu piniartunut.

- Umimmaat arfineq-marluk Arsummi saniatigooralugu piniartunut.

- Umimmaat 15-it Kommune Kujallermut.

- Umimmaat 30-t Paamiuni inuussutissarsiutigalugu piniartunut.

- Umimmaat 20-t Paamiuni saniatigooralugu piniartunut.

- Umimmaat qulit Ivittuunut (piffisami novembari/decembari aamma marsi).

Umimmanniarnissamut akuersissutit Ivittuuni Innuttaasunik sullissivimmit agguaanneqassapput, qinnuteqartoqarsinnaavorlu ullumi pingasunngornermi juulip 28-ianniit aggustip aallaqqaataanut 2010.

Kommune Kujalliup nammineq aalajangissavaa umimmattassat inuussutissarsiutigalugu piniartunut saniatigooralugulu piniartunut qanoq agguaanneqassanersut.